American President's "The Beast" Car | ಅಮೆರಿಕ ಅಧ್ಯಕ್ಷರ "ದಿ ಬೀಸ್ಟ್" ಕಾರು

ಅಮೆರಿಕ ಅಧ್ಯಕ್ಷ ಎಂದ ಕೂಡಲೇ ಅದರ ಗತ್ತು ಬೇರೆ ರೀತಿಯಲ್ಲೇ ಇರುತ್ತದೆ. ವಿಶ್ವದ ಯಾವೊಬ್ಬ ಪ್ರಧಾನಿಗೂ ಇರದ ಸೆಕ್ಯುರಿಟಿ ಅವರಿಗಿದೆ. ಅಮೆರಿಕ ಅಧ್ಯಕ್ಷ ಎಲ್ಲಿಗೆ ಹೋದರೂ ಅವರು ಸ್ವಂತ ವಿಮಾನದಲ್ಲಿ ತೆರಳುತ್ತಾರೆ. ವಿಮಾನದ ಜೊತೆಗೆ ಅವರು ಪ್ರಯಾಣಿಸುವ ಕಾರು "ದಿ ಬೀಸ್ಟ್" ಅನ್ನು ತೆಗೆದುಕೊಂಡು ಹೋಗಬಹುದು. ಯಾವುದೇ ಉಗ್ರರ ದಾಳಿಗೆ ಜಗ್ಗದ, ಬಾಂಬ್ ದಾಳಿಗೆ ನಲುಗದ ಅಮೆರಿಕ ಅಧ್ಯಕ್ಷರ ಕಾರಿನ ಬಗ್ಗೆ ತಿಳಿದುಕೊಳ್ಳುವುದು ತುಂಬಾ ಆಸಕ್ತಿದಾಯಕವಾಗಿದೆ.

Watch Video

     ಅಮೆರಿಕ ಅಧ್ಯಕ್ಷರಿಗೆಂದೇ ಅಧಿಕೃತವಾಗಿ ವಿನ್ಯಾಸಗೊಳಿಸಿದ ಕಾರನ್ನು "ದಿ ಬೀಸ್ಟ್" ಎಂದು ಕರೆಯುತ್ತಾರೆ. ಈ ಕಾರಿನ ಈಗಿನ ಮಾಡೆಲ್ ಹೆಸರು "ಕ್ಯಾಡಿಲಾಕ್- ಒನ್‌". ಈ ಮಾಡೆಲ್ ಕಾರನ್ನು 24 ಸೆಪ್ಟೆಂಬರ್ 2018ರಲ್ಲಿ ಪ್ರಾರಂಭ ಮಾಡಲಾಯಿತು.

1. ಕಾರಿನ ವಿಂಡೋಸ್.

     ಕಾರಿನ ಕಿಟಕಿಗಳು ಐದು ಪದರಗಳ ಗಾಜು ಮತ್ತು ಪಾಲಿಕಾರ್ಬೋನೇಟಿನಿಂದ ಮಾಡಲ್ಪಟ್ಟಿದೆ. ಕಾರಿನ ವಿಂಡೋಸ್ ಗುಂಡುಗಳನ್ನು ತಡೆಯಬಹುದು. ಈ ಕಾರಿನಲ್ಲಿ ಚಾಲಕನ ವಿಂಡೋ ಮಾತ್ರ ತೆಗೆಯಬಹುದು. ಅದು ಕೂಡ ಕೇವಲ ಮೂರು ಇಂಚುಗಳವರೆಗೆ ಮಾತ್ರ.

2. ಕಾರಿನಲ್ಲಿರುವ ರಕ್ಷಣಾ ವ್ಯವಸ್ಥೆ.

Beast is Bullet Proof

     "ದಿ ಬೀಸ್ಟ್" ಕಾರನ್ನು ಸಂಪೂರ್ಣ ರಕ್ಷಣೆಯ ಉದ್ದೇಶದಿಂದಲೇ ತಯಾರಿಸಲಾಗಿದೆ. ಕಾರಿನ ಒಳಗಿನಿಂದಲೇ ಸಿಡಿಸಬಹುದಾದ ಶಾಟ್ ಗನ್, ಫಿರಂಗಿ, ಟಿಯರ್ ಗ್ಯಾಸ್, ಬೆಂಕಿ ಹೊತ್ತಿಕೊಂಡಾಗ ಅಗ್ನಿಶಾಮಕ ವ್ಯವಸ್ಥೆ , ಹೊಗೆ ಪರದೆಗಳಿವೆ. ಜೊತೆಗೆ ಅಮೆರಿಕ ಅಧ್ಯಕ್ಷರ ಬಳಿಯಲ್ಲಿ ಸೆಟಲೈಟ್ ಫೋನ್ ಇದ್ದು, ಇದರಿಂದ ಸೀದಾ ಉಪಾಧ್ಯಕ್ಷರಿಗೆ ಕರೆ ಮಾಡಬಹುದಾಗಿದೆ. ಕೆಮಿಕಲ್ ದಾಳಿಯ ಸಂದರ್ಭದಲ್ಲಿ ಆಕ್ಸಿಜನ್ ವ್ಯವಸ್ಥೆ, ಅಶುದ್ಧ ಗಾಳಿಯನ್ನು ಹೊರಗೆ ಹಾಕಲು ಹೊಗೆ ಪರದೆ ವಿತರಕ ಮತ್ತು ತುರ್ತು ವರ್ಗಾವಣೆಯ ಸಂದರ್ಭದಲ್ಲಿ ಅಧ್ಯಕ್ಷರಿಗೆ ಹೊಂದುವ ರಕ್ತದ ಚೀಲಗಳನ್ನು ಕೂಡ ಇಡಲಾಗಿದೆ.

3. ಡ್ರೈವರ್ ಕ್ಯಾಬಿನ್.

     ಅಮೆರಿಕ ಅಧ್ಯಕ್ಷರ ಕಾರನ್ನು ಚಲಾಯಿಸುವವನು ಯುಎಸ್ ಸೀಕ್ರೆಟ್ ಸೇವೆಯಿಂದ ತರಬೇತಿ ಪಡೆದು ಚಾಲಕನಾಗಿರುತ್ತಾನೆ.  ಯಾವುದೇ ಸವಾಲಿನ ಸಂದರ್ಭದಲ್ಲೂ ಕಾರನ್ನು ಚಲಿಸುವ, ಪರಿಸ್ಥಿತಿ ನಿಭಾಯಿಸುವ ಸಾಮರ್ಥ್ಯ ಹೊಂದಿರುತ್ತಾನೆ. ಚಾಲಕನ ಕ್ಯಾಬಿನ್ ಸರಿಯಾದ ಕಮ್ಯುನಿಕೇಷನ್ ಮತ್ತು ಜಿಪಿಎಸ್ ಟ್ರ್ಯಾಕಿಂಗ್ ವ್ಯವಸ್ಥೆ ಹೊಂದಿದೆ. ತುರ್ತು ಸಂದರ್ಭದಲ್ಲಿ ಕಾರನ್ನು 180 ಡಿಗ್ರಿಯಲ್ಲಿ ತಿರುವು ಮಾಡುವ ತರಬೇತಿಯನ್ನು ಚಾಲಕನಿಗೆ ನೀಡಲಾಗಿರುತ್ತದೆ.

4. ಕಾರಿನ ಬಾಡಿ ಮತ್ತು ಟಯರ್ಸ್.

     ದಿ ಬೀಸ್ಟ್ ಕಾರು ಅತ್ಯಂತ ಬಲಿಷ್ಠವಾದ ಉಕ್ಕಿನಿಂದ ಮಾಡಲ್ಪಟ್ಟಿದೆ. ಸ್ಟೀಲ್, ಟೈಟಾನಿಯಂ, ಅಲ್ಯುಮಿನಿಯಂ ಮತ್ತು ಸೆರಾಮಿಕ್ಸ್ ನಂಥಹ ವಸ್ತುಗಳಿಂದ ತಯಾರಿಸಿದ ಐದು ಇಂಚು ದಪ್ಪದ ಮಿಲಿಟರಿ ದರ್ಜೆಯ ರಕ್ಷಾಕವಚ ಈ ಕಾರಿಗಿದೆ.

     ವಾಹನದ ಮುಂಭಾಗದಲ್ಲಿ ಅಶ್ರುವಾಯು, ಗ್ರೆನೇಡ್ ಲಾಂಚರ್ ಮತ್ತು ರಾತ್ರಿ ಹೊತ್ತು ಸಂಚರಿಸಬಹುದಾದ ಕ್ಯಾಮೆರಾಗಳಿವೆ. ಕಾರಿನ ಕೆಳಗೆ ಐರನ್ ಶೀಟಿನಿಂದ ಬಲಪಡಿಸಲಾಗಿದೆ. ಇದು ಬಾಂಬ್ ಸ್ಫೋಟಕಗಳಿಂದ ಕಾರನ್ನು ರಕ್ಷಿಸುತ್ತದೆ.

     ಇನ್ನು ಈ ಕಾರಿನ ಟಯರ್ ಗಳು ತುಂಬಾ ಸ್ಟ್ರಾಂಗ್ ಇದ್ದು, ಪಂಕ್ಚರ್ ನಿರೋಧಕವಾಗಿದೆ. ಒಂದು ವೇಳೆ ಟೈರ್ ಸ್ಫೋಟಗೊಂಡರು ವೀಲಿನಿಂದಲೇ ತೆರಳಿ ತಪ್ಪಿಸಿಕೊಳ್ಳುವ ಸಾಮರ್ಥ್ಯ ಈ ಟಯರ್ಗಳಿಗೆ ನೀಡಲಾಗಿದೆ.

5. ಕಾರಿನ ತೂಕ.

     ಅಮೆರಿಕ ಅಧ್ಯಕ್ಷರು ಬಳಸುವ "ದಿ ಬೀಸ್ಟ್" ಕಾರಿನ ತೂಕವೂ ಬರೋಬ್ಬರಿ 6400 ಕೆಜಿಯಷ್ಟಿದೆ. ಯಾವುದೇ ಸಾಮಾನ್ಯ ಕಾರುಗಳು ಇಷ್ಟು ತೂಕವನ್ನು ಹೊಂದಿರುವುದಿಲ್ಲ.

6. ಕಾರಿನ ಹಿಂದಿನ ಸೀಟುಗಳು.

Beast Back Seats

     ಈ ಕಾರಿನಲ್ಲಿ ಯುಎಸ್ ಅಧ್ಯಕ್ಷರನ್ನು ಹೊರತುಪಡಿಸಿ ನಾಲ್ಕು ಜನರು ಕೂರಬಹುದು. ಕಾರಿನ ಒಳಗಡೆ ಗಾಜಿನಿಂದ ವಿಭಜಿಸಲಾಗಿದೆ. ಅದನ್ನು ಅಧ್ಯಕ್ಷರು ಮಾತ್ರ ಬಟನ್ ಒತ್ತಿ ತೆರೆಯಬಹುದು. ತುರ್ತು ಸಂದರ್ಭದಲ್ಲಿ ಪ್ಯಾನಿಕ್ ಬಟನ್ ಮತ್ತು ಆಕ್ಸಿಜನ್ ಪೂರೈಕೆ ಮಾಡುವ ಬಟನ್ ಇದೆ.

7. ಕಾರಿನ ಡೋರ್ ಮತ್ತು ಇಂಧನ ಟ್ಯಾಂಕ್.

Beast Door

    ದಿ ಬೀಸ್ಟ್ ಕಾರಿನ ಡೋರುಗಳು 8 ಇಂಚು ದಪ್ಪವಿರುವ ರಕ್ಷಣಾ ಕವಚವಾಗಿದೆ. ಇದು ಬೋಯಿಂಗ್ 757 ವಿಮಾನದ ಕ್ಯಾಬಿನ್ ಡೋರ್ ತೂಕಕ್ಕೆ ಸಮವಾಗಿದೆ. ಕಾರಿನ ಬಾಗಿಲು ಪೂರ್ಣ ಪ್ರಮಾಣದಲ್ಲಿ ಲಾಕ್ ಆಗಿದ್ದರೆ ಕೆಮಿಕಲ್ ದಾಳಿಯಿಂದ ರಕ್ಷಿಸುತ್ತವೆ.

    ಇನ್ನೂ ಇಂಧನ ಟ್ಯಾಂಕ್ ಯಾವುದೇ ದಾಳಿ ಸಂದರ್ಭದಲ್ಲಿ ಸ್ಫೋಟಗೊಳ್ಳದಂತೆ ತಡೆಗಟ್ಟಲು ಫೋಮ್ನಿಂದ ತುಂಬಿದ ರಕ್ಷಣಾ ಕವಚವನ್ನು ಹೊಂದಿದೆ.


Don't forget to Comment Your Opinion on This Article

Share and Support Us

Info Mind